Tom Kramer
ပြည်သူလူထု၏ ကျန်းမာရေးနှင့်ဘေးကင်းလုံခြုံရေးအတွက် COVID-19 ကူးစက်ရောဂါမှ ကာကွယ်စောင့်ရှောက်ခြင်း။ ။ မြန်မာနိုင်ငံ အကျဉ်းထောင်နှင့် အချုပ်ခန်းများအတွင်း ကပ်ရောဂါပြန့်ပွားမှု ကြိုတင်တားဆီးရေးစီမံဆောင်ရွက်ချက်များကို အရှိန်မြှင့်ဖော်ဆောင်ရန် အရေးတကြီး လိုအပ်လာခြင်း။
ကမ္ဘာအနှံ့တွင် COVID-19 ရောဂါပိုးကြောင့် သေဆုံးသူဦးရေ ၇၀,၀၀၀ ကျော်ရှိလာခဲ့ပြီဖြစ်သောကြောင့် မြန်မာအာဏာပိုင်များအနေဖြင့်လည်း အဆိုးဆုံးအခြေအနေနှင့် ကြုံတွေ့လာပါက ရင်ဆိုင်နိုင်ရေးအတွက် ကြိုတင်ပြင်ဆင်မှုများ ပြုလုပ်ရန် လိုအပ်သည်။ ၂၀၂၀ခုနှစ် ဧပြီလ ၆ ရက် နေ့အထိ ရောဂါပိုးစမ်းသပ်တွေ့ရှိသူ (၂၁) ယောက်သာရှိသဖြင့် ပြည်တွင်း၌ အတည်ပြုရောဂါပိုးကူးစက်ခံရသူဦးရေ နည်းပါးနေဆဲဖြစ်သော်လည်း အခြားအရှေ့တောင်အာရှနိုင်ငံများဖြစ်ကြသည့် ထိုင်း၊ ဖိလစ်ပိုင်၊ မလေးရှားနှင့် အင်ဒိုနီးရှားနိုင်ငံတို့တွင် ကူးစက်ခံရသူများမှာ ထောင်ဂဏန်းအထိ ရှိလာပြီဖြစ်သည်။
Tom Kramer
ထိန်းသိမ်းချုပ်နှောင်ခံရသည့် အခြေအနေမျိုးတွင် ကူးစက်ရောဂါများ ဖြစ်နိုင်ခြေရှိသော အန္တရာယ်မှာ အလွန်ပင်ကြီးမားသည်။ ကမ္ဘာ့ကျန်းမာရေးအဖွဲ့ (WHO)က အကျဉ်းသားများသည် သာမန်ပြည်သူများနှင့် နှိုင်းစာလျှင် တီဘီရောဂါပိုး ကူးစက်ခံရနိုင်ခြေ အဆတစ်ရာ ပိုမိုမြင့်မားသည့်အပြင် အာဟာရချို့တဲ့မှု၊ အိပ်ခ်ျအိုင်ဗီ (HIV) နှင့် အသည်းရောင်အသားဝါရောဂါများ၏ ဒဏ်ကိုပါ အချိုးမမျှမတ ခံစားနေကြရသည်ဟု သုံးသပ်ထားသည်။ လတ်တလော အလျင်အမြန် ကူးစက်ပျံ့နှံ့နေသည့် COVID-19 ကြောင့် အကျဉ်းထောင်နှင့် အချုပ်စခန်းများတွင် ရုတ်တရက် ကပ်ရောဂါပိုးပြန့်ပွားလာနိုင်ခြေရှိပြီး စိုးရိမ်ဖွယ် ကျန်းမာရေးအန္တရာယ်များ ပေါ်ပေါက်လာနိုင်ကြောင်းကိုလည်း WHO မှ ကမ္ဘာ့နိုင်ငံအသီးသီးရှိ အစိုးရများအား သတိပေးခဲ့သည်။ ထိုအကြံပြုချက်များသည် မြန်မာနိုင်ငံအတွက်လည်း အထူးတလည် သက်ဆိုင်မှုရှိသည်။ အဘယ့်ကြောင့်ဆိုသော် မြန်မာနိုင်ငံရှိ အကျဉ်းထောင်များသည် ၄င်းတို့၏ အမြင့်ဆုံးဝင်ဆန့်နိုင်အားထက် ပျမ်းမျှခြင်းအားဖြင့် ၁၄၀ ရာခိုင်နှုန်း ကျော် လက်ခံထားရသည့်အတွက် ထောင်တွင်း လူဦးရေ သိပ်သည်းပြည့်လျှံမှုကို ဆိုးရွားစွာကြုံတွေ့နေရခြင်းကြောင့် ဖြစ်သည်။
မြန်မာနိုင်ငံ၏ အကျဉ်းထောင်များအတွင်း COVID-19 ကပ်ရောဂါကူးစက်ပြန့်ပွားလာနိုင်သည့် အလားအလာသည် ထောင်ပေါင်းများစွာသော အကျဉ်းသားများ၊ အကျဉ်းထောင်ဝန်ထမ်းများနှင့် သက်ဆိုင်ရာမိသားစုပေါင်းများစွာကို တိုက်ရိုက်ခြိမ်းခြောက်မှုများ ရှိလာနိုင်သည်။ ထို့အပြင် အနီးပတ်ဝန်းကျင်ရပ်ရွာများသို့ပါ လျှံထွက်ကူးစက်မှုများ ဖြစ် ပေါ်လာနိုင်သည်။ အကျဉ်းသားများအကြား ရောဂါကူးစက်ခံရနိုင်ခြေ မြင့်မားလာသည်နှင့်အမျှ အကျဉ်းထောင်များအတွင်း တင်းမာမှုများ၊ မငြိမ်မသက်ဖြစ်မှုနှင့် လုံခြုံရေးဆိုင်ရာ ကျိုးပေါက်မှုများဆီသို့ အလျင်အမြန် ဦးတည်သွားနိုင်သည်။
ယခုလအစောပိုင်း၌ အီတလီ၊ ကိုလံဘီယာနှင့် အိန္ဒိယနိုင်ငံ အကျဉ်းထောင်များအတွင်း COVID-19 ကူးစက်ခံရ မည်ကို စိုးရိမ်ကြောက်လန့်မှု ကြီးထွားလာခြင်းကြောင့် ထောင်တွင်းဆူပူအုံကြွမှုများ ဖြစ်ပေါ်လာခဲ့ပြီးနောက် ဒါဇင်ပေါင်းများစွာသော သေဆုံးမှုများ၊ ထိခိုက်ဒဏ်ရာရမှုများနှင့် ထွက်ပြေးလွတ်မြောက်မှုများ ပေါ်ပေါက်လာခဲ့ သည်။ အကျဉ်းထောင်လူဦးရေပြည့်ကျပ်ပေါက်ကွဲမှုကို လျှော့ချရန်နှင့် အချုပ်စခန်းများအတွင်း COVID-19 ကပ်ရောဂါကူးစက်ပြန့်ပွားမှုကို ကာကွယ်တားဆီးရန် ရည်ရွယ်သော မကြုံစဖူးထူးကဲသည့် အရွေ့တစ်ခုအဖြစ် သြစတြေးလျ၊ အမေရိကန်၊ ပြင်သစ်၊ ဗြိတိန်၊ အိုင်ယာလန်၊ အီရန်၊ ဘာရိန်း၊ အာဖဂန်နစ္စတန်၊ အိန္ဒိယနှင့် အင်ဒိုနီးရှား နိုင်ငံများက ပြည်သူလူထု လုံခြုံရေးအတွက် အန္တရာယ်အနည်းဆုံးဖြစ်စေရန် ရည်ရွယ်၍ အကျဉ်းသားဦးရေ အမြောက်အများကို ပြစ်ဒဏ်မစေ့မီ ကြိုတင်လွှတ်ပေးသွားမည်ဖြစ်ကြောင်း ကြေညာခဲ့ကြသည်။
မြန်မာနိုင်ငံ အကျဉ်းဦးစီးအာဏာပိုင်များသည်လည်း ထောင်ဝင်စာလာတွေ့သူများအတွက် လက်ဆေးဆပ်ပြာ နှင့် ဘေစင်များထားရှိပေးခြင်းစသည့် ကြိုတင်ကာကွယ်ရေးလုပ်ငန်းများကို စတင် ဆောင်ရွက်လျက်ရှိသည်။ ထို့အပြင် ရောဂါကူးစက်ပြန့်ပွားမှု ထိန်းချုပ်ရေးကိရိယာများကိုလည်း ဝယ်ယူနေပြီဖြစ်သည်။ ဤကဲ့သို့သော အပြုသဘောဆောင်သည့် လုပ်ငန်းများနှင့်တစ်ပြိုင်နက်တွင် မြန်မာနိုင်ငံအစိုးရ၊ သက်ဆိုင်ရာဝန်ကြီးဌာနများ၊ တာဝန်ရှိအာဏာပိုင်များအနေဖြင့် နိုင်ငံတွင်းရှိ အချုပ်ထောင်များ၌ COVID-19 ကပ်ရောဂါ ကူးစက်ပြန့်ပွားမှုကို ကာကွယ်တားဆီးရန်နှင့် လျှော့ချနိုင်ရန် ပိုမိုကျယ်ပြန့်ပြည့်စုံသည့် အစီအစဉ်တစ်ရပ် ရေးဆွဲဖော်ဆောင်သွားရန် အရေးတကြီးလိုအပ်လာပြီဖြစ်သည်။ ဤနေရာ၌ အကျဉ်း ထောင်များသာမက ရဲဘက်စခန်းများ၊ ရဲအချုပ်များ၊ လူငယ်ပြုပြင်ထိန်းသိမ်းရေးစခန်းများ၊ မူးယစ်ဆေးစွဲကုသရေးနှင့် ပြန်လည်ထူထောင်ရေးစခန်းများအပါအဝင် ပဋိပက္ခဒဏ်သင့် နယ်မြေ ဒေသများရှိ အလားတူစခန်းများပါ အကျုံးဝင်ကြောင်းကိုလည်း ရည်ညွှန်းအပ်ပါသည်။
ယခုလအစောပိုင်း၌ နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP)က COVID-19 ကာကွယ်တားဆီးရေး လုပ်ငန်းတစ်ရပ်အဖြစ် သတ်မှတ်စည်းမျဉ်းစည်းကမ်းများနှင့် ကိုက်ညီမှုရှိသည့် အကျဉ်းသားများကို တစ်နိုင်ငံလုံးအတိုင်းအတာ လွတ်ငြိမ်းချမ်းသာခွင်ြ့ပုရန် မေတ္တာရပ်ခံတောင်းဆိုခဲ့ပါသည်။ ယခုပူးတွဲမေတ္တာရပ်ခံချက်၌ လက်မှတ်ရေးထိုးကြသောအဖွဲ့များအနေဖြင့် AAPP၏ တောင်းဆိုချက်ကို သဘောတူထောက်ခံပါသည်။ အဓိကအကြံပြုချက်များနှင့် ဦးစားပေးဆောင်ရွက်သင့်သော လုပ်ငန်းများကို အောက်တွင် ဆက်လက်အဆို ပြုထားပါသည်။ သို့သော်လည်း ယင်းအချက်များမှာ အကျဉ်းထောင်အတွင်း ရောဂါပိုးကူးစက်ပြန့်ပွားခြင်းကို တားဆီးရန် လုံးဝပြီးပြည့်စုံသည်ဟု မဆိုလိုပါ။
Si deseas apoyar nuestro trabajo, considera realizar una donación. Nos comprometemos a que nuestra valiosa investigación esté accesible sin costo, pero para eso necesitamos de tu ayuda. Si todas las personas que leen nuestro contenido realizan una donación de tan solo €12 podremos apoyar nuestro trabajo durante tres años.
